.
#ಚೈತ್ರ #ಗೌರೀ #ಪೂಜೆ #ವಿಧಾನ
🌺🌺🌺🌺🌺🌺
ಚೈತ್ರಮಾಸದಲ್ಲಿ ಶುಕ್ಲಪಕ್ಷ ತದಿಗೆ ದಿನ ಗೌರಿಯನ್ನು ಕೂಡಿಸಬೇಕು . ಆ ದಿನ ಅನಾನುಕೂಲವಾದಲ್ಲಿ ಒಂದು ಶುಕ್ರವಾರ ಅಥವಾ ರಾಮನವಮಿ ಅಥವಾ ಎರಡನೇ ಬಹುಳ ಗೌರಿಯನ್ನು ಕೂಡಿಸಬಹುದು .
ಈ ಪೂಜೆಗೆ ಚೈತ್ರಗೌರೀ ಎನ್ನುತ್ತಾರೆ . ತದಿಗೆ ಗೌರೀ ಎಂದೂ ಕರೆಯುವರು. ಉಯ್ಯಾಲೆ ಗೌರೀ ಅನ್ನುವ ವಾಡಿಕೆ ಕೂಡಾ ಕೆಲವು ಕಡೆಯಲ್ಲಿ ಇದೆ.
ಓಂದು ಚಿಕ್ಕ ತಟ್ಟೆಯಲ್ಲಿ ನದಿಯ ಮರಳು ಇಟ್ಟು ಸ್ವಲ್ಪ ನೀರು ಹಾಕಿ ಮುದ್ದೆ ಮಾಡಿ . ಅದನ್ನ 6 ಭಾಗ ಮಾಡಿ . ಅಂದರೆ ಮುಂದೆ ಒಂದು ಭಾಗ. ಗಣೇಶ ಹಿಂದೆ ನಾಲ್ಕು ಮಧ್ಯ ಒಂದು ( ಮಂಗಳ ಗೌರೀಯಲ್ಲಿ ಮಾಡುವಂತೆ) ಸರಿಯಾಗಿ ಗೋಪುರದ ಆಕಾರದಲ್ಲಿ ಮಾಡಿ ಅದಕ್ಕೆ ಅರಸಿಣ ಕುಂಕುಮ ಹಚ್ಚಿ, 2 ಬಳೆಗಳನ್ನ ಇಟ್ಟು ಮಾಂಗಲ್ಯ ಇದ್ದರೆ ಹಾಕಿ .
ಪಕ್ಕದಲ್ಲಿ 5 ವಿಳ್ಳದೆಲೆಯ ಕಳಶ ಇಟ್ಟು ಅದರಲ್ಲಿ ಸ್ವಲ್ಪ ನೀರು ಅರಸಿಣ ಕುಂಕುಮ ಮಂತ್ರಾಕ್ಷತೆ ಹಾಕಿ ಇಡಿ ಮುಂದೆ ಪುಟ್ಟ ಕನ್ನಡಿ ಇಡಿ .ಜೊತೆಗೆ ಗಂಗಾಜಲವುಳ್ಳ ತಂಬಿಗೆ ಗಣೇಶನನ್ನೂ ಇಡಿ .
ಇದೆಲ್ಲವನ್ನೂ ಒಂದು ಚಿಕ್ಕ ಮಣೆ ಮೇಲೆ ಇಟ್ಟು ಅದಕ್ಕೆ ಹುರಿ ಇಂದ ಎರಡು ಕಡೆ ( ಉಯ್ಯಾಲೆ ಥರ ಕಟ್ಟಿ ) ಎರಡೂ ಹುರಿಯನ್ನು ಸೇರಿಸಿ ಅಲ್ಲೇ ಗೋಡೆಗೆ ಅಂಟಿಸಿ . ಉಯ್ಯಾಲೆಯಲ್ಲಿ ಗೌರಮ್ಮನನ್ನು ಕೂಡಿಸಿದ ಹಾಗೆ ಚೆನ್ನಾಗಿ ಇರುತ್ತದೆ .ಮಣೆಯ ಕೆಳಗೆ ಆಧಾರವಾಗಿ ಬೇಕಾದರೆ ಅಷ್ಟೇ ಎತ್ತರದ ಆಸನ ಇಲ್ಲವೇ ಇಟ್ಟಿಗೆಗಳನ್ನು ಇಡಬಹುದು . ಅದೆಲ್ಲ ಬರಿಯಲು ಕಷ್ಟ . ಅಲಂಕಾರ ಚೆನ್ನಾಗಿ ಕಾಣಿಸುವ ಹಾಗೆ ಮಾಡಿ .
ಎಲ್ಲಾ ಪೂಜೆ ಸಾಮಾನುಗಳಿಂದ ಪೂಜೆ ಮಾಡಿ . ಒಂದು ತಿಂಗಳು ಕದಲಿಸಬಾರದು. ನಿತ್ಯಪೂಜೆ ಮಾಡಲು ಹಿಂದಿನ ದಿನದ ನಿರ್ಮಾಲ್ಯದ ಹೂವು ಮಾತ್ರ ತೆಗೆಯಿರಿ. ದಿನಾ ಏರಿಸುವ ಗೆಜ್ಜೆ ವಸ್ತ್ರ ತೆಗೆಯಬೇಡಿ . ಪೂಜೆಗೆ ದವನ ಮಲ್ಲಿಗೆ ಶ್ರೇಷ್ಠ . ಶುಕ್ರವಾರ ಮಂಗಳವಾರ ಮುತ್ತೈದೆಗೆ ಅರಸಿಣ ಕುಂಕುಮ ಕೋಸಂಬ್ರಿ ಮಜ್ಜಿಗೆ ಪಾನಕ ದಕ್ಷಿಣೆ ಸಮೇತ ಕೊಡಿ . ಅಕ್ಷಯ ತದಿಗೆವರೆಗೂ ಪೂಜೆ ಮಾಡಿ ಕದಲಿಸಬೇಕು . ಅಷ್ಟರ ಒಳಗೆ ಒಂದು ದಿನವಾದರೂ ಹೂವೀಳ್ಯ ( ಮುತ್ತೈದೆಯರನ್ನು ಕರೆದು ಅರಸಿಣ ಕುಂಕುಮ ಮಜ್ಜಿಗೆ ಪಾನಕ ಕೋಸಂಬ್ರಿ ದಕ್ಷಿಣೆ ವಿಳ್ಳದೆಲೆ 4 ಅಡಿಕೆ ಕೊಟ್ಟು ನಮಸ್ಕಾರ ಮಾಡಿ .
ಅಕ್ಷಯತದಿಗೆ ಆದ ಮೇಲೆ ಒಂದು ಒಳ್ಳೆಯ ದಿನ ಗೌರಿಯನ್ನು ಕದಲಿಸಿ ಗಿಡದ ಕೆಳಗಡೆ ಬಿಡಿ .
ಪ್ರತಿ ಶುಕ್ರವಾರ ಕಳಶದ ವಿಳ್ಳದೆಲೆ ಬೇರೆ ಇಟ್ಟು ಕಳಶದಲ್ಲಿ ಸ್ವಲ್ಪ ನೀರು ಅರಸಿಣ ಕುಂಕುಮ ಮಂತ್ರಾಕ್ಷತೆ ಹಾಕಿ . ಆದರೆ ಕಳಶ ತೆಗೆದು ತೊಳೆದು ಇಡುವ ಕೆಲಸ ಮಾಡಬೇಡಿ . ಇದ್ದ ಜಾಗದಲ್ಲೇ ವಿಳ್ಯದೆಲೆ ಬದಲಿಸಿ ಅಷ್ಟೇ .
ಶುಕ್ರವಾರ ತದಿಗೆ ಹುಣ್ಣಿಮೆಯ ದಿನ ಒಬ್ಬ ಮುತ್ತೈದೆಗೆ ಉಡಿ ತುಂಬಿ .
ಅನುಕೂಲ ಇದ್ದವರು ಹಬ್ಬದ ಅಡಿಗೆ ಮಾಡಿ ಬಡಿಸಬಹುದು .
ಒಂದು ಶುಕ್ರವಾರ ಅಥವಾ ಹುಣ್ಣಿಮೆ ದಿನ ಮರದ ಬಾಗಿನ ಅನುಕೂಲ ಇದ್ದವರು ಕೊಡಬಹುದು .
ಮುಖ್ಯವಾಗಿ ಭಕ್ತಿಯಿಂದ ಪೂಜೆ ಮಾಡುವುದು ಶ್ರೇಷ್ಠ .
ಶ್ರೀಮಧ್ವೇಶಾರ್ಪಣಮಸ್ತು
***