ಕರೊನ ಆಯುರ್ವೇದ ಔಷಧಿ defeat corona ayurvedic way

verify veracity before administering

verify veracity before administering

19.04.2021

ಆಸ್ಪತ್ರೆ ರಹಿತ ಆರೋಗ್ಯಕ್ಕೆ ಆಯುರ್ವೇದ 

ಸಂಚಿಕೆ-475

••••••••••••••••

✍️: ಇಂದಿನ ವಿಷಯ:

ಕೊರೋನಾ ಸೋಂಕಿನ ಅವಸ್ಥೆಯಲ್ಲಿ 

"ವಿಶ್ರಾಂತಿಯೇ ಜೀವನ-ಅವಿಶ್ರಾಂತಿಯೇ ಅಪಾಯ" ••••••••••••••••••••••••••••••••••••••••••

 

ಎಲ್ಲರಿಗೂ ಗೊತ್ತಿರುವಂತೆ ಆಮ್ಲಜನಕದ ಕೊರತೆಯಿಂದಲೇ ಮನುಷ್ಯನ ಜೀವ ಅಪಾಯಕ್ಕೆ ತಲುಪುತ್ತಿರುವುದು. ಇಲ್ಲಿ ನಾವು ಗಮನಿಸಲೇಬೇಕಾದ ಮತ್ತು ಅನುಸರಿಸಲೇಬೇಕಾದ  ಕಡ್ಡಾಯ ವಿಷಯವೆಂದರೆ ರಕ್ತದಲ್ಲಿನ ಆಮ್ಲಜನಕದ ಸಾಂದ್ರತೆ. ಇದು ಕಡಿಮೆಯಾಗದಂತೆ ನೋಡಿಕೊಳ್ಳುವಲ್ಲಿ ವಿಶ್ರಾಂತಿಯು ಬಹುಪಾಲು ದೊಡ್ಡದು. 

ಏಕೆಂದರೆ, 

🔷ಮನುಷ್ಯ ಕುಳಿತ ಸ್ಥಾನದಿಂದ ಎದ್ದು ಹತ್ತಿಪ್ಪತ್ತು ಹೆಜ್ಜೆ ಹಾಕಿದರೂ ಶರೀರದ ಮಾಂಸಖಂಡಗಳಿಗೆ ಹೆಚ್ಚಿನ ಆಮ್ಲಜನಕ ಬೇಕಾಗುತ್ತದೆ, ಅದರ ಪೂರೈಕೆಯು ಪುಪ್ಪುಸಗಳನ್ನಲ್ಲದೇ ಬೇರೆ ಅವಯವಗಳಿಂದ ಸಿಗದು. ಹಾಗಾಗಿ, ಸಣ್ಣ ಕೆಲಸವೆಂದು ನಾಲ್ಕು ಹೆಜ್ಜೆ ಹಾಕಿದರೂ ಸಹ ಉಸಿರಾಟದ ಕ್ರಿಯೆ ಹೆಚ್ಚಿ ಹೃದಯದ ಬಡಿತ ಹೆಚ್ಚಿ ಆಮ್ಲಜನಕ ಪೂರೈಕೆಯಾಗಬೇಕಾಗುತ್ತದೆ .

🔷ಜೀರ್ಣಕ್ರಿಯೆಗೆ ಆಮ್ಲಜನಕವು ಹೆಚ್ಚಾಗಿ ಬೇಕಾಗುವುದರಿಂದ ಉದರ ಕರುಳುಗಳಿಗೆ ಹೆಚ್ಚಿನ ಪ್ರಮಾಣದಲ್ಲಿ ರಕ್ತವು ಸಂಚರಿಸಬೇಕಾಗುತ್ತದೆ. ನಾವು ಹೆಚ್ಚು ಅತಿಹೆಚ್ಚು ಶಕ್ತಿಯುತ ಆಹಾರಗಳೆಂದು ಜೀರ್ಣಕ್ರಿಯೆಗೆ ಕಷ್ಟವಾಗುವ ಮಾಂಸಾಹಾರ, ಗೋಧಿ, ಮೈದಾ, ಉದ್ದು, ಎಣ್ಣೆ , ಸಿಹಿಗಳನ್ನು ಸೇವಿಸಿದಲ್ಲಿ ಅತಿ ಹೆಚ್ಚು ಆಮ್ಲಜನಕವನ್ನು ಬಳಸಿ ಪಚನಕ್ರಿಯೆ ನಡೆಯುವುದರಿಂದ ಪುಪ್ಪುಸಕ್ಕೆ ದೊಡ್ಡ ಹೊರೆ ಬೀಳುತ್ತದೆ.

🔷ಶಾರೀರಿಕ ಶ್ರಮ ಅಲ್ಲದಿದ್ದರೂ ಬಹು ಸಮಯ ಮಾತನಾಡುವುದು ಅಂದರೆ, ಸ್ನೇಹಿತರೋ, ಸಂಬಂಧಿಗಳೋ, ಮೊಬೈಲ್ ನಲ್ಲಿಯೂ.... ಹೆಚ್ಚು ಸಮಯ ಮಾತನಾಡುತ್ತಿದ್ದರೆ, ಪ್ರತಿ ಅಕ್ಷರಕ್ಕೂ ಪುಪ್ಪುಸಗಳಿಂದಲೇ ಗಾಳಿಯನ್ನು ಹೊರಹಾಕಬೇಕಾಗುವುದರಿಂದ ಅದಕ್ಕೆ ಒತ್ತಡ ಹೇರುತ್ತೇವೆ ಮತ್ತು ಮಾತನಾಡುವ ಕೆಲಸಕ್ಕೆ ಧ್ವನಿಪೆಟ್ಟಿಗೆಗೆ ಅತೀ ಹೆಚ್ಚು ಆಮ್ಲಜನಕ ಖರ್ಚಾಗುವುದರಿಂದ ಅದನ್ನು ಪೂರೈಸಲು ಪುಪ್ಪುಸಗಳು ಪ್ರಯತ್ನಿಸಬೇಕಾಗುತ್ತದೆ. 

🔷ಶಾರೀರಿಕ ಕೆಲಸಕ್ಕೆ ಆಮ್ಲಜನಕದ ಅವಶ್ಯಕತೆ ಎಷ್ಟಿದೆಯೋ ಅದರ ನಾಲ್ಕುಪಟ್ಟು ಅವಶ್ಯಕತೆ ಮನಸ್ಸಿನ/ಮೆದುಳಿನ ಕೆಲಸಕ್ಕೆ ಬೇಕಾಗುತ್ತದೆ. ಹೀಗೆ ಚಿಂತನೆ, ಓದು, ಚಿಂತೆ, ಭಯ, ಆತಂಕ, ಇವುಗಳೂ ಸಹ ಆಮ್ಲಜನಕದ ಬೇಡಿಕೆಯನ್ನು ಪುಪ್ಪುಸಗಳ ಮೇಲೆ ಇಡುತ್ತವೆ. 

🔷ಧನಾತ್ಮಕವೋ , ಋಣಾತ್ಮಕವೋ ಒಟ್ಟಾರೆ ಉದ್ವೇಗ ಎಂಬುದು ಹೃದಯಬಡಿತವನ್ನು, ಆವೇಗವನ್ನು ಹೆಚ್ಚಿಸುತ್ತದೆ. ಆಗಲೂ ಪುಪ್ಪುಸಗಳ ಮೇಲೆ ಒತ್ತಡ ಬೀಳುವುದು ಅನಿವಾರ್ಯ. 

♦️♦️♦️♦️♦️

ವಿಶೇಷವಾಗಿ ಗಮನಿಸಿ..

ಕೊರೋನಾ ಸೊಂಕಿನಲ್ಲಿ ಹಾನಿಗೊಳಗಾಗುತ್ತಿರುವ ಅಂಗವೇ ಪುಪ್ಪುಸ. ಅದಕ್ಕೆ ಮತ್ತಷ್ಟು ಒತ್ತಡ ಹೇರದಿರಲು, ಪುಪ್ಪುಸಗಳ ವಿಶ್ರಾಂತಿಗೆಂದು ಉಸಿರಾಡದೇ ಇರಲು ಅಸಾಧ್ಯ. ಹಾಗಾಗಿ, ಪುಪ್ಪುಸಗಳಿಂದ ಎಷ್ಟು ಸಾಧ್ಯವೋ ಅಷ್ಟು ಕಡಿಮೆ ಮತ್ತು ಅತ್ಯಗತ್ಯ ಕ್ರಿಯೆಗೆ ಬೇಕಾದಷ್ಟು ಕೆಲಸವನ್ನು ಮಾತ್ರ ಮಾಡಿಸಿಕೊಳ್ಳಿ. 

ಅದಕ್ಕಾಗಿ ಹೀಗೆ ಮಾಡಬಹುದು👇

ಸೋಂಕಿತ ಅವಸ್ಥೆಯಲ್ಲಿ-

◆ಶಾರೀರಿಕ ಶ್ರಮ ಬೇಡ.

◆ಅತಿಯಾದ ಅಥವಾ ಪಚನಕ್ಕೆ ಕಷ್ಟವಾಗುವ ಆಹಾರ ಬೇಡ.

◆ಅತಿಯಾದ ಮಾತುಗಳು ಬೇಡ.

◆ಅತಿಯಾದ ಚಿಂತನೆಗಳು, ಓದು ಮುಂತಾದವುಗಳು ಬೇಡ.

◆ಆತಂಕ ಅಥವಾ ಉದ್ವೇಗಕ್ಕೆ ಒಳಗಾಗುವುದು ಬೇಡ.

******

20.04.2021

ಆಸ್ಪತ್ರೆ ರಹಿತ ಆರೋಗ್ಯಕ್ಕೆ ಆಯುರ್ವೇದ 

ಸಂಚಿಕೆ-476

••••••••••••••••

✍️: ಇಂದಿನ ವಿಷಯ:

 ಸೋಂಕಿನ ಅವಸ್ಥೆಯಲ್ಲಿ ಬರುವ ನಿಶ್ಶಕ್ತತೆ.

 •••••••••••••••••••••••••••••••••••••••

ಈ ನಿಶ್ಯಕ್ತತೆಯಲ್ಲಿ ಎರಡು ಹಂತಗಳಿವೆ.

★ಅಪಾಯರಹಿತ ನಿಶ್ಶಕ್ತತೆ.

★ಅಪಾಯಕಾರಿ ನಿಶ್ಶಕ್ತತೆ.

 

1️⃣ಅಪಾಯರಹಿತ ನಿಶ್ಶಕ್ತತೆ:-

ವೈರಾಣು ದೇಹ ಪ್ರವೇಶಿಸಿದುದರ ಲಕ್ಷಣವಾಗಿ ಆರಂಭದಲ್ಲಿ ಶರೀರದ ಮಾಂಸಖಂಡಗಳು ಸೆಳೆತಕ್ಕೆ ಒಳಗಾಗುತ್ತವೆ. 

ಈ ಸೆಳೆತವನ್ನು ರೋಗಿಯು ನಿಶ್ಯಕ್ತಿಯೆಂದೂ, ಮೈ-ಕೈ ನೋವು ಎಂದೂ, ಸಂಧಿನೋವು ಎಂತಲೂ, ಆಲಸ್ಯ ಎಂತಲೂ ವಿವಿಧ ರೀತಿಯಿಂದ ಗುರುತಿಸಿಕೊಳ್ಳುತ್ತಾನೆ. ಈ ನಿಶ್ಶಕ್ತತೆಗೆ ಕಾರಣ ವೈರಾಣುವಿಗೆ ನಮ್ಮ ರೋಗನಿರೋಧಕ ಶಕ್ತಿ ತೋರುವ ಪ್ರತಿಕ್ರಿಯೆಯೇ  ಆಗಿದೆ. 

ಇಲ್ಲಿ ರೋಗನಿರೋಧಕ ಶಕ್ತಿಯ ವ್ಯಕ್ತತೆಯು ರಕ್ತಕಣಗಳಲ್ಲಿ ಆಗುವ ಸಾಂಖಿಕ ಮತ್ತು ಕ್ರಿಯಾತ್ಮಕ ವ್ಯತ್ಯಾಸವೇ ಆಗಿದೆ. 

ವೈರಾಣುವಿನೊಂದಿಗಿನ ಈ ಹೋರಾಟದಲ್ಲಿ ನಿರಂತರ ಸಾಯುತ್ತಿರುವ ರಕ್ತಕಣಗಳನ್ನು ಪೂರೈಸಲು ಮಜ್ಜೆಯು ಹೆಚ್ಚು ಹೆಚ್ಚು ಉತ್ಪತ್ತಿ ಕಾರ್ಯದಲ್ಲಿ ತೊಡಗಬೇಕಾಗುತ್ತದೆ. ಅದು ಮೇದಸ್ಸು ಮತ್ತು ಮಾಂಸಖಂಡಗಳಿಂದ ಶಕ್ತಿಯನ್ನು ಹೀರಿಕೊಳ್ಳುತ್ತಿರುತ್ತದೆ. 

ಈ ಕಾರಣಕ್ಕೆ ಬರುವ ಮಾಂಸ-ಮೇದಸ್ಸಿನ ದುರ್ಬಲತೆಯೇ ನಿಶ್ಶಕ್ತಿಗೆ ಕಾರಣ. 

🍃🍃ಪರಿಹಾರಗಳು🍃🍃

▪️ವಿಶ್ರಾಂತಿ.

▪️ಲಘುಆಹಾರ ಭೋಜನ.

▪️ಆಹಾರಕ್ಕೆ ತುಪ್ಪಸೇರಿಸಿ ಒಗ್ಗರಣೆ ಕೊಡುವುದು.

▪️8 ರಿಂದ 10 ತಾಸುಗಳ ರಾತ್ರಿ ಕಾಲದ ನಿದ್ರೆ.

▪️ಜ್ವರ ಬಾರದಂತೆ, ಹೆಚ್ಚಾಗದಂತೆ ಅಮೃತಬಳ್ಳಿ(ಕಾಂಡ) ಸೇವನೆ.

▪️ಶರೀರದಲ್ಲಿ ನೀರಿನ ಕೊರತೆಯಾಗದಂತೆ ನೋಡಿಕೊಳ್ಳಿ (ಆಹಾರವನ್ನು ಯಥೇಚ್ಛವಾಗಿ ನೀರು ಬಳಸಿ ತಯಾರಿಸಿ, ಕುದಿಸಿ ಆರಿಸಿದ ನೀರನ್ನು ಸೇವಿಸಿ, ಒತ್ತಾಯಪೂರ್ವಕ ಜಲಪಾನ ಬೇಡ).

▪️ಅಗತ್ಯಕ್ಕನುಸಾರ ಸ್ವಲ್ಪಪ್ರಮಾಣದಲ್ಲಿ ಹಣ್ಣುಗಳನ್ನು ಸೇವಿಸಿ.

▪️ವೈದ್ಯರ ನಿರ್ದೇಶನದಂತೆ ಆಯುರ್ವೇದ ಮತ್ತು ಅಲೋಪಥಿ ಔಷಧಗಳನ್ನು ತಪ್ಪದೇ ಬಳಸಿ.

2️⃣ಅಪಾಯಕಾರಿ ನಿಶ್ಶಕ್ತತೆ:-

★ಮೇಲಿನ ನಿಶ್ಶಕ್ತತೆಗಿಂತ ಅತೀತೀವ್ರವಾಗಿ

★ನಿಶ್ಯಕ್ತಿ ಉಂಟಾಗುತ್ತದೆ. 

★ಹತ್ತು ಹೆಜ್ಜೆ ನಡೆದರೂ ಆಯಾಸ ಬರುವುದು.

★ಸಮಾಧಾನ ಇಲ್ಲದಿರುವುದು.

★ಸಾಕಷ್ಟು ಉಸಿರಾಟ ಆಗುತ್ತಿಲ್ಲ ಎನಿಸುವುದು.

★ತಿಂದ ಅನ್ನ ಜೀರ್ಣವಾಗದಿರುವುದು.

★ಮಲಗಿದರೆ ಅತ್ಯಲ್ಪ ಹಿತ ಎನಿಸುವುದು.

★ಬಲವಾದ ಒಣಕೆಮ್ಮು ಬರುವುದು.

★ಎದೆ ಮತ್ತು ಪಕ್ಕೆಗಳಲ್ಲಿ ನೋವು ಮತ್ತು ಹಿಡಿದಂತೆ ಅನುಭವವಾಗುವುದು.

⤴️

ಇವೆಲ್ಲವುಗಳಿಗೆ ಕಾರಣ ರಕ್ತದಲ್ಲಿನ ಅಮ್ಲಜನಕ ಕೊರತೆ. 

ಅಂದರೆ, ಪುಪ್ಪುಸಗಳು ಶರೀರಕ್ಕೆ ಅಗತ್ಯವಾದಷ್ಟು ಪ್ರಮಾಣದಲ್ಲಿ ಆಮ್ಲಜನಕವನ್ನು ಪೂರೈಸಲು ಸಾಧ್ಯವಾಗುತ್ತಿಲ್ಲ ಎಂದರ್ಥ. ಇದು ನಿಜಕ್ಕೂ ಅಪಾಯಕಾರಿ ಹಂತ. ಏಕೆಂದರೆ, ಆಮ್ಲಜನಕದ ಕೊರತೆಯು ಸೋಂಕು ಸರ್ವ ಶರೀರಕ್ಕೂ ಪಸರಿಸಲು, ಅನಿಯಂತ್ರಿತವಾಗಿ ವೃದ್ಧಿಯಾಗಲು ಕಾರಣವಾಗುತ್ತದೆ.

ಅತ್ಯಂತ ಹೆಚ್ಚಿನ ಸಂಖ್ಯೆಯಲ್ಲಿ ಸರ್ವಶರೀರದಲ್ಲೂ ವೃದ್ಧಿಯಾಗುವ ವೈರಾಣುಗಳನ್ನು ಪ್ರತಿರೋಧಿಸಲು ನಮ್ಮ ಇಮ್ಯುನಿಟಿಯು ಸ್ವಯಂ ಚಾಲಿತ/ಅನಿಯಂತ್ರಿತ ಹಂತಕ್ಕೆ ತಲುಪುತ್ತದೆ, ಇಲ್ಲಿ ನಡೆಯುವ ಭಯಂಕರ ಯುದ್ಧಕ್ಕೆ ಮನುಷ್ಯ ತನ್ನ ಪ್ರಾಣವನ್ನೇ ಕಳೆದುಕೊಳ್ಳುತ್ತಾನೆ.

🍃🍃ಪರಿಹಾರಗಳು🍃🍃

★ಯಾವ ಕಾರಣಕ್ಕೂ ಆತಂಕಕ್ಕೆ ಒಳಗಾಗಬೇಡಿ.

★ಸಂಪೂರ್ಣ ವಿಶ್ರಾಂತಿ ಅತ್ಯಗತ್ಯ-ಅಂದರೆ, ಶೌಚಾಲಯಕ್ಕೂ ಸಹ ನಿಧಾನವಾಗಿ ಹೆಜ್ಜೆ ಹಾಕಿ ನಡೆಯಿರಿ. 

★ಆಗಾಗ oximeter ನಿಂದ ರಕ್ತದಲ್ಲಿನ ಆಮ್ಲಜನಕದ ಪ್ರಮಾಣವನ್ನು ನೋಡಿಕೊಳ್ಳಿ. ★ಇದು 95% ಗಿಂತ ಕೆಳಗಿಳಿದರೆ ಔಷಧ ಬದಲಾವಣೆಯೋ, ಆಹಾರ ವಿಹಾರದ ಬದಲಾವಣೆ ಬೇಕಾಗುವುದು, ಸೂಕ್ತ ವೈದ್ಯರನ್ನು ಸಂಪರ್ಕಿಸಿ.

★ಪಚನಕ್ಕೆ ಅತ್ಯಂತ ಹಗುರವಾದ, ದ್ರವಾಂಶಯುಕ್ತ ಆಹಾರಗಳನ್ನು ಮಾತ್ರ ಸೇವಿಸುತ್ತಿರಿ. 

★ನಿಯಮಿತವಾಗಿ ಆಯುರ್ವೇದ, ಅಲೋಪಥಿ ಔಷಧಿಗಳನ್ನು ಸೇವಿಸುತ್ತಿರಿ.

★ಅನಗತ್ಯವಾಗಿ paracetamol, pain killers tablests ಗಳ  ಸೇವನೆ ಬೇಡ.

★ಯಾವ ಲಕ್ಷಣವನ್ನೂ ನಿರ್ಲಕ್ಷಿಸಬೇಡಿ.

★CoVid negative ಬಂದರೂ ಈ ಲಕ್ಷಣಗಳನ್ನು ನಿರ್ಲಕ್ಷಿಸುವಂತಿಲ್ಲ.

★ಎರಡು ಮೂರು ದಿನಕ್ಕೊಮ್ಮೆ ಅಗತ್ಯ ರಕ್ತತಪಾಸಣೆಯನ್ನು ಮಾಡಿಸಿ, ರೋಗದ ತೀವ್ರತೆಯನ್ನು ಗಮನಿಸುತ್ತಿರಬೇಕು. 

★ಎಲ್ಲಾ ಲಕ್ಷಣಗಳಿಂದ ಹೊರಬಂದ ನಂತರವೂ ಕನಿಷ್ಠ 7 ರಿಂದ 14 ದಿನಗಳವರೆಗೆ ಆಹಾರ- ವಿಹಾರ-ನಿದ್ರೆಗಳಲ್ಲಿ ಬದಲಾವಣೆ ಮಾಡಿಕೊಳ್ಳಬೇಡಿ.

•••••••••••••••••••••••••••••••••••••••••••••

ರೋಗನಿರೋಧಕಶಕ್ತಿವರ್ಧಕ 38 ಔಷಧಿ ದ್ರವ್ಯಗಳನ್ನೊಳಗೊಂಡ  ಕಷಾಯ ಚೂರ್ಣಕ್ಕಾಗಿ ಸಂಪರ್ಕಿಸಿ:

9148702645

8792290274

*****