ಪುಷ್ಯ ನಕ್ಷತ್ರದ ಪ್ರಾಮುಖ್ಯತೆ
ಹಿಂದೂ ಧರ್ಮಗ್ರಂಥಗಳಲ್ಲಿನ 27 ನಕ್ಷತ್ರಗಳಲ್ಲಿ ಪುಷ್ಯ ನಕ್ಷತ್ರವು ಕೂಡ ಒಂದು.
ಒಬ್ಬ ವ್ಯಕ್ತಿ ಕುರಿತು ನಿಖರವಾದ ಭವಿಷ್ಯ ಹೇಳಲು ಆತನ ಜನ್ಮ ನಕ್ಷತ್ರವನ್ನು ನೋಡಲೇಬೇಕು. ನಕ್ಷತ್ರಗಳ ಮೂಲಕ ವ್ಯಕ್ತಿಯ ಗುಣ, ಬೌದ್ಧಿಕ ಚಿಂತನೆಗಳು ಹಾಗೂ ಶಕ್ತಿಯನ್ನು ಸುಲಭವಾಗಿ ವಿಶ್ಲೇಷಿಸಬಹುದು. ಇವುಗಳ ಸಹಾಯಗಳಿಂದ ಗ್ರಹಗತಿಗಳ ಸ್ಥಿತಿಗತಿಗಳನ್ನು ನೋಡುವುದು ಸುಲಭ.
ನಿಮ್ಮ ನಕ್ಷತ್ರ ಯಾವುದು ಎಂದು ತಿಳಿದುಕೊಂಡು ಜ್ಯೋತಿಷಿಗಳ ಹತ್ತಿರ ಹೋದರೆ ಅವರು ನಿಮ್ಮ ಭವಿಷ್ಯವನ್ನು ನಕ್ಷತ್ರಗಳನ್ನು ಲೆಕ್ಕಹಾಕಿ ಹೇಳುತ್ತಾರೆ. ಹಿಂದೂ ಧರ್ಮಗ್ರಂಥದಲ್ಲಿ ಮುಖ್ಯವಾಗಿ 27 ನಕ್ಷತ್ರಗಳನ್ನು ಗುರುತಿಸಲಾಗುತ್ತದೆ. ಈ ಪೈಕಿ ಪುಷ್ಯ ನಕ್ಷತ್ರವೂ ಒಂದು. ಇಲ್ಲಿ ಪುಷ್ಯ ನಕ್ಷತ್ರದ ಕುರಿತು ಕೆಲವು ಮಾಹಿತಿಯನ್ನು ವಿವರಿಸಲಾಗಿದೆ.
ಹಿಂದೂ ಪಂಚಾಂಗ ಹಾಗೂ ಧರ್ಮಗ್ರಂಥಗಳಲ್ಲಿ ಪುಷ್ಯ ನಕ್ಷತ್ರವನ್ನು ಎಲ್ಲಾ ನಕ್ಷತ್ರಗಳ ರಾಜ ಎಂದು ಉಲ್ಲೇಖಿಸಲಾಗಿದೆ. ಪುಷ್ಯ ನಕ್ಷತ್ರವನ್ನು ಸಮೃದ್ಧ, ಸರ್ವೋಚ್ಚ, ಫಲಪ್ರದ ಎಂದು ಪರಿಗಣಿಸಲಾಗಿದೆ. ಹಾಗಾಗಿ ಇದು ಶುಭ ಲಾಭವನ್ನು ತರುತ್ತದೆ.
ಧರ್ಮಗ್ರಂಥಗಳಲ್ಲಿ ಪುಷ್ಯ ನಕ್ಷತ್ರವನ್ನು ತೃಪ್ತಿ ಹಾಗೂ ಕ್ಷಮಾ ಭಾವ ನೀಡುವ ಏಕೈಕ ನಕ್ಷತ್ರವಾಗಿದೆ. ಈ ನಕ್ಷತ್ರವು ಬದುಕಿನ ಪ್ರತೀ ಗುರಿಗಳನ್ನು ಮುಟ್ಟಲು ನೆರವಾಗುತ್ತದೆ. ಪುಷ್ಯ ಎಂದರೆ ಪೋಷಕ ಎಂದರ್ಥ. ಇದು ಶಕ್ತಿ ಮತ್ತು ಸಾಮರ್ಥ್ಯವನ್ನು ಪ್ರತಿನಿಧಿಸುತ್ತದೆ.
ಪುಷ್ಯ ನಕ್ಷತ್ರದ ಪ್ರಾಚೀನ ಹೆಸರು ತಿಷ್ಯ. ಸಂತೃಪ್ತಿ ಹಾಗೂ ಸಮೃದ್ಧಿ ಎಂಬುದು ಇದರ ಅರ್ಥ. ಪಂಡಿತ ಪಾಮರರು ಈ ನಕ್ಷತ್ರವನ್ನು ಶುಭ ಲಾಭ ತರುವ ನಕ್ಷತ್ರ ಎಂದು ಪರಿಗಣಿಸುತ್ತಾರೆ. ಪುಷ್ಯ ನಕ್ಷತ್ರವು ಹಿಂದೂ ಪಂಚಾಂಗದಲ್ಲಿ ಎರಡೇ ಸ್ಥಾನದಲ್ಲಿದೆ. ವೇಗವಾಗಿ ಸಂಚರಿಸುವ ಚಂದ್ರನನ್ನು ಇದು ಸೂಚಿಸುತ್ತದೆ. ಪುಷ್ಯ ನಕ್ಷತ್ರವು ಚಂದ್ರ ಬಲದಿಂದ ಸಂಪತ್ತು ಮತ್ತು ಜ್ಞಾನ ಎರಡನ್ನೂ ನೀಡುತ್ತದೆ ಎಂದು ಹೇಳಲಾಗುತ್ತದೆ. ಬೇರೆ ಬೇರೆ ನಕ್ಷತ್ರಗಳಲ್ಲಿ ಚಂದ್ರನು ಬಂದಾಗ ಬೇರೆ ಬೇರೆ ರೀತಿಯ ಪರಿಣಾಮಗಳು ಉಂಟಾಗುತ್ತದೆ.
ಪುಷ್ಯ ನಕ್ಷತ್ರದಲ್ಲಿ ಬೀಳುವ ಮಹೂರ್ತದಲ್ಲಿ ಯಾವುದೇ ಕಾರ್ಯಕ್ಕೆ ಕೈ ಹಾಕಿದರೆ ಸಿದ್ಧಿಸುತ್ತದೆ ಎಂದು ಶಾಸ್ತ್ರದಲ್ಲಿ ಹೇಳಲಾಗಿದೆ. ಅದರಲ್ಲೂ ಅಪರೂಪಕ್ಕೆ ಬೀಳುವ ಗುರುಪುಷ್ಯಾಮೃತ ಹಾಗೂ ರವಿಪುಷ್ಯಾಮೃತ ಯೋಗವನ್ನು ಬಹಳ ಶುಭಕರ ಎಂದು ಪರಿಗಣಿಸಲಾಗಿದೆ. ಈ ಯೋಗದಲ್ಲಿ ಕೈ ಹಾಕುವ ಕೆಲಸಗಳು ಯಶಸ್ವಿಯಾಗುತ್ತದೆ. ಉದ್ಯಮಿಗಳಿಗೆ ಅಮೃತ ಯೋಗವು ಲಾಭವನ್ನುಂಟುಮಾಡುತ್ತದೆ. ಈ ಯೋಗದಲ್ಲಿ ಮಂತ್ರ ಪಠಣೆ, ಧ್ಯಾನ ಹಾಗೂ ದಾನ ಮಾಡಿದರೆ ಒಳ್ಳೆಯ ಫಲ ಸಿಗುತ್ತದೆ.
ಪುಷ್ಯ ನಕ್ಷತ್ರದ ಪ್ರಾಮುಖ್ಯತೆ:
ನಿಗದಿತ ಮುಹೂರ್ತಗಳಲ್ಲಿ ಒಳ್ಳೆಯ ಕೆಲಸಕ್ಕೆ ಕೈ ಹಾಕಿದರೆ ಶುಭ ಲಾಭವಾಗುತ್ತದೆ ಎಂದು ಪಂಚಾಂಗ ಹೇಳುತ್ತದೆ. ಇಂತಹ ಶುಭ ಮುಹೂರ್ತಗಳಲ್ಲಿ ಪುಷ್ಯ ನಕ್ಷತ್ರವೂ ಒಂದು. ಜನ ಸಾಮಾನ್ಯರಿಗೆ ಇದು ಸನ್ಮಂಗಳವನ್ನುಂಟು ಮಾಡುತ್ತದೆ. ಕಾರ್ತಿಕ ಅಮಾವಾಸ್ಯೆಗೂ ಮುನ್ನ ಬೀಳುವ ಪುಷ್ಯ ನಕ್ಷತ್ರದಲ್ಲಿ ಯಾವುದೇ ಕೆಲಸಕ್ಕೆ ಕೈ ಹಾಕಿದರೆ ಅದು ಕೈಗೂಡುತ್ತದೆ ಎಂದು ಜ್ಯೋತಿಷ್ಯ ಹೇಳುತ್ತದೆ.
ಸೋಮವಾರ, ಗುರುವಾರ ಹಾಗೂ ಆದಿತ್ಯವಾರ ಪುಷ್ಯ ನಕ್ಷತರ ಬಿದ್ದರೆ ಅದನ್ನು ವರ ನಕ್ಷತ್ರ ಯೋಗ ಎಂದು ಕರೆಯುತ್ತಾರೆ. ಈ ಸಮಯದಲ್ಲಿ ಕೈ ಹಾಕುವ ಕೆಲಸಗಳು ಸಿದ್ಧಿಸುತ್ತವೆ. ಅದರಲ್ಲೂ ಗುರುವಾರ ಬೀಳುವ ಗುರು ಪುಷ್ಯ ಯೋಗವು ಅತ್ಯುತ್ತಮ ಎಂದು ಪರಿಗಣಿಸಲಾಗುತ್ತದೆ. ಈ ಸಮಯದಲ್ಲಿ ಪುಷ್ಯ ನಕ್ಷತ್ರವು ಎಂಟನೇ ಸ್ಥಾನದಲ್ಲಿರುವ ಕಾರಣ ಅದು ಶುಭಕರ ಎಂದು ಹೇಳುತ್ತಾರೆ. ಗುರು ಪುಷ್ಯ ನಕ್ಷತ್ರವು ಯಾವುದೇ ವಸ್ತುಗಳನ್ನು ಖರೀದಿಸಲು ಶುಭ ಗಳಿಗೆ.
ಹುಟ್ಟು ನಕ್ಷತ್ರವಾದರೆ:
ಶನಿಯು ಪುಷ್ಯ ನಕ್ಷತ್ರದ ಪೋಷಕ ಗ್ರಹವಾಗಿರುತ್ತದೆ. ಈ ನಕ್ಷತ್ರವು ಗುರುವಿನ ನಿಯಂತ್ರಣದಲ್ಲಿರುತ್ತದೆ. ಹಾಗಾಗಿ ಪುಷ್ಯ ನಕ್ಷತ್ರವನ್ನು ಪರಿಶುದ್ಧತೆ, ಜ್ಞಾನ ಹಾಗೂ ಬುದ್ಧಿವಂತಿಕೆಯನ್ನು ಪ್ರತಿನಿಧಿಸುತ್ತದೆ. ಶನಿಯು ಸ್ಥಿರತೆ ಕಾಯ್ದುಕೊಳ್ಳುವ ಗ್ರಹವಾಗಿದೆ. ಗುರು ಹಾಗೂ ಶನಿ ಬಲದಿಂದ ಪುಷ್ಯ ನಕ್ಷತ್ರವು ಶುಭಕರವಾಗಿರುತ್ತದೆ. ಪಂಚಾಂಗದಲ್ಲಿ ಅತ್ಯಂತ ಶುಭವಾದ ರವಿ ಪುಷ್ಯ ಯೋಗವು ಅಪರೂಪಕ್ಕೆ ಪುಷ್ಯ ನಕ್ಷತ್ರದಲ್ಲಿ ಕಾಣಿಸಿಕೊಳ್ಳುತ್ತದೆ. ಈ ಸಮಯ ಅತ್ಯಂತ ಶ್ರೇಷ್ಠ.
ಪುಷ್ಯ ನಕ್ಷತ್ರದಲ್ಲಿ ಜನಿಸುವವರು ಕಷ್ಟದಲ್ಲಿರುವವರಿಗೆ ಕೈ ಚಾಚಲು ಸದಾ ಸಿದ್ಧರಾಗಿರುತ್ತಾರೆ. ಚಿಕ್ಕ ವಯಸ್ಸಿನಲ್ಲೇ ಕಷ್ಟಗಳನ್ನು ನೋಡುವ ಅವರು ತಮ್ಮ ಅನುಭವದಿಂದ ಎಲ್ಲವನ್ನೂ ಕಲಿತು ಪ್ರಪಂಚವನ್ನು ನೋಡುವ ದೃಷ್ಟಿಯನ್ನೇ ಬದಲಿಸಿಕೊಂಡಿರುತ್ತಾರೆ. ಈ ನಕ್ಷತ್ರದಲ್ಲಿ ಜನಿಸಿದವರು ಶ್ರಮದಾಯಕ ಕೆಲಸಗಳನ್ನು ಸುಲಭವಾಗಿ ಮಾಡುತ್ತಾರೆ. ಜೊತೆಗೆ ತಮ್ಮ ಕೆಲಸವನ್ನು ಅಷ್ಟೇ ಪೂಜಿಸುತ್ತಾರೆ. ಆಧ್ಯಾತ್ಮದಲ್ಲಿ ಹೆಚ್ಚು ಆಸಕ್ತಿ ಹೊಂದಿರುವ ಅವರ ಮೇಲೆ ದೈವ ಕೃಪೆ ಯಾವಾಗಲೂ ಇರುತ್ತದೆ.
ಸತ್ಯದ ದಾರಿಯನ್ನು ಎಂದೂ ಬಿಡಲೊಪ್ಪದ ಈ ನಕ್ಷತ್ರದವರು ತಮ್ಮ ಸಂಗಾತಿಗಳ ಮೇಲೆ ಕಾಳಜಿ ಹೊಂದಿರುತ್ತಾರೆ. ಪ್ರವಾಸ ಪ್ರಿಯರೂ ಕೂಡ. ಅವರ ಶ್ರಮದಾಯಕ ಕೆಲಸವು ಸ್ವಲ್ಪ ನಿಧಾನವಾಗಿಯಾದರೂ ಉತ್ತಮ ಫಲ ನೀಡುತ್ತದೆ. ತಮ್ಮ ದಾರಿಯಲ್ಲಿ ಎಷ್ಟೇ ಕಷ್ಟಬಂದರೂ ಅವರು ಸತ್ಯ ಹಾಗೂ ಪ್ರಾಮಾಣಿಕವಾಗಿ ನಡೆಯುತ್ತಾರೆ.
ಯಾವ ಕೆಲಸಕ್ಕೆ ಪುಷ್ಯ ನಕ್ಷತ್ರ ಶ್ರೇಷ್ಠ ?
ಹೊಸ ಯೋಜನೆಗಳನ್ನು ಕೈಗೆತ್ತಿಕೊಳ್ಳಲು,
ಪ್ರವಾಸ ಆರಂಭಿಸಲು,
ಹೊಸ ಸಂಸ್ಥೆಗಳಲ್ಲಿ ಕೆಲಸಕ್ಕೆ ಸೇರಲು,
ಗುರುವಿನಿಂದ ಮಂತ್ರಗಳನ್ನು ದೀಕ್ಷೆ ಪಡೆಯಲು,
ಕಾರ್ಯಕ್ರಮಗಳನ್ನು ಆಯೋಜಿಸಲು,
ಧಾರ್ಮಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲು,
ಪುಷ್ಯ ನಕ್ಷತ್ರವಿದ್ದರೂ ಈ ವಾರದಂದು ಶುಭಕರವಲ್ಲ:
ಈಗಾಗಲೇ ಹೇಳಿರುವ ದಿನಗಳು ಹೊರತಾಗಿ ಇನ್ಯಾವುದೇ ದಿನ ಪುಷ್ಯ ನಕ್ಷತ್ರದಲ್ಲಿ ಕೆಲಸಗಳಿಗೆ ಕೈ ಹಾಕಿದರೆ ಅದು ಕೈಗೂಡುವುದಿಲ್ಲ. ಇದು ವರದ ಬದಲು ಗ್ರಹದೋಷದಿಂದ ಶಾಪವಾಗಿ ಪರಿಣಮಿಸಬಹುದು. ಶುಕ್ರವಾರ ಪುಷ್ಯ ನಕ್ಷತ್ರವಿದ್ದು ನೀವು ಯಾವುದೇ ಕೆಲಸಕ್ಕೆ ಕೈ ಹಾಕಿದರೆ ಅದು ವಿಫಲವಾಗುವ ಜೊತೆಗೆ ನಿಮಗೆ ಬಹಳಷ್ಟು ನಷ್ಟವನ್ನೂ ತರುತ್ತದೆ. ಅದೇ ರೀತಿ ಪುಷ್ಯ ನಕ್ಷತ್ರವು ಬುಧವಾರ ಬಿದ್ದಾಗಲೂ ಯಾವುದೇ ಕೆಲಸಕ್ಕೆ ಕೈ ಹಾಕಿದರೆ ವಿಫಲರಾಗುತ್ತೀರಿ.
ಶುಕ್ರವಾರ ಹಾಗೂ ಬುಧವಾರವನ್ನು ಹೊರತುಪಡಿಸಿ ಇನ್ನೆಲ್ಲಾ ದಿನಗಳಲ್ಲೂ ಪುಷ್ಯ ನಕ್ಷತ್ರವು ಶುಭ ಎಂದು ಪರಿಗಣಿಸಲಾಗುತ್ತದೆ. ರವಿ ಹಾಗೂ ಗುರು ಪುಷ್ಯ ಯೋಗವು ಯಶಸ್ಸು ಹಾಗೂ ಶುಭ ತರುವ ಯೋಗಗಳಾಗಿವೆ. ಪುಷ್ಯ ನಕ್ಷತ್ರವು ಮದುವೆಯಂತಹ ವಿಷಯದಲ್ಲಿ ಅಷ್ಟು ಶುಭಕರವಲ್ಲ ಎಂಬುದು ನಿಮ್ಮ ನೆನಪಿನಲ್ಲಿರಲಿ.
ಮುಂಬರಲಿರುವ ಪುಷ್ಯ ನಕ್ಷತ್ರ ಬೀಳುವ ಅಮೃತ ಯೋಗ ದಿನಗಳು
08 ಮೇ 2022, ರವಿವಾರ
25 ಆಗಸ್ಟ್ 2022, ಗುರುವಾರ
08 ಜನವರಿ 2023, ರವಿವಾರ
05 ಫೆಬ್ರವರಿ 2023, ರವಿವಾರ
ಮೇ 08, 2022 ರವಿವಾರ ರವಿ ಪುಷ್ಯ ಅಮೃತಸಿದ್ಧಿ ಯೋಗ ಇರುತ್ತದೆ.
ಪುಷ್ಯ ನಕ್ಷತ್ರ ಪ್ರಾರಂಭ : ಶನಿವಾರ ಹಗಲು 12:16 ಗಂಟೆಯಿಂದ.
ಪುಷ್ಯ ನಕ್ಷತ್ರ ಅಂತ್ಯ : ರವಿವಾರ ಹಗಲು 02:56 ಗಂಟೆಯವರೆಗೆ... ಭಾರತೀಯ ಜ್ಯೋತಿಷ್ಯದಲ್ಲಿ ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗಿದೆ, ರವಿ ಪುಷ್ಯ ಯೋಗವು ಒಂದು ವರ್ಷದಲ್ಲಿ ಅಪರೂಪದ ಘಟನೆಯಾಗಿದೆ. ಪುಷ್ಯವು ಅತ್ಯಂತ ಮಂಗಳಕರವಾದ ನಕ್ಷತ್ರವಾಗಿದೆ ಮತ್ತು ಇದು ಭಾನುವಾರದಂದು ಅಂದರೆ ರವಿವಾರದಂದು ಸಂಭವಿಸಿದರೆ ಅದು ರವಿ ಪುಷ್ಯ ನಕ್ಷತ್ರ ಯೋಗವನ್ನು ರೂಪಿಸುತ್ತದೆ.
ಸಾಮಾನ್ಯವಾಗಿ ಈ ನಕ್ಷತ್ರವನ್ನು ಸಿಂಹಕ್ಕೆ ಹೋಲಿಸಲಾಗುತ್ತದೆ - ಕಾಡಿನ ರಾಜ ಮತ್ತು ಪ್ರಾಣಿಗಳ ನಾಯಕ. ಹಾಗೆಯೇ ಪುಷ್ಯ ನಕ್ಷತ್ರವು ಅತ್ಯಂತ ಶ್ರೇಷ್ಠವಾದ ನಕ್ಷತ್ರವಾಗಿದೆ. ಇದು ಎಲ್ಲಾ ಕುಂಡಲಿ ದೋಷಗಳನ್ನು ಗುಣಪಡಿಸಬಹುದಾದ ಪ್ರಮುಖ ನಕ್ಷತ್ರವಾಗಿದೆ.
ಪುಷ್ಯ ನಕ್ಷತ್ರವು ವೇದಾ ಮತ್ತು ದುಷ್ಟ ಗ್ರಹಗಳ ಕಾರಣದಿಂದ ನಿರ್ಬಂಧಿಸಲ್ಪಟ್ಟಿದ್ದರೆ, ಅದು ಜನರಿಗೆ ಪ್ರಯೋಜನವನ್ನು ನೀಡುತ್ತದೆ. ಆದಾಗ್ಯೂ, ಈ ನಕ್ಷತ್ರದಲ್ಲಿ ಮದುವೆಯ ಆಚರಣೆಗಳನ್ನು ಯಾವುದೇ ಕಾರಣಕ್ಕೂ ಮಾಡಬಾರದು. ಆದಾಗ್ಯೂ, ರವಿ ಪುಷ್ಯ ನಕ್ಷತ್ರ ಯೋಗದ ಸಮಯದಲ್ಲಿ ಈ ಕೆಳಗಿನ ಚಟುವಟಿಕೆಗಳನ್ನು ಮಾಡಬಹುದು:
- ಮದುವೆಯ ಶಾಪಿಂಗ್
- ಕಾರ್ಯಕ್ರಮಗಳು ಮತ್ತು ಹಬ್ಬಗಳ ಯೋಜನೆ
- ಹೊಸ ಗ್ಯಾಜೆಟ್‌ಗಳು, ಕಾರುಗಳು ಇತ್ಯಾದಿಗಳನ್ನು ಖರೀದಿಸುವುದು.
- ಹೊಸ ವ್ಯಾಪಾರ ಉದ್ಯಮವನ್ನು ಪ್ರಾರಂಭಿಸಿ
- ಚಿನ್ನವನ್ನು ಖರೀದಿಸಿ
- ಆಸ್ತಿಯನ್ನು ಖರೀದಿಸಿ - ಪೂಜೆ, ಮನೆ, ಹವನ ಇತ್ಯಾದಿಗಳನ್ನು ಮಾಡಿ.
ಈ ದಿನ, ಮಾತೆ ಮಹಾಲಕ್ಷ್ಮಿ ಯನ್ನು ಆರಾಧನೆ ಮಾಡುವವರ ಮನೆಯಲ್ಲಿ ದೀರ್ಘಕಾಲ ನೆಲೆಸುತ್ತಾಳೆ ಎಂದು ಹೇಳಲಾಗುತ್ತದೆ. ಲಕ್ಷ್ಮೀ ದೇವಿಯು ಪುಷ್ಯ ನಕ್ಷತ್ರದಲ್ಲಿ ಜನಿಸಿದಳು ಎಂದೂ ಹೇಳಲಾಗುತ್ತದೆ. ಆದ್ದರಿಂದ, ಈ ಅವಧಿಯು ಅತ್ಯಂತ ಮಂಗಳಕರವಾಗಿದೆ. ಪುಷ್ಯ ನಕ್ಷತ್ರದ ಸ್ವಭಾವವು ಇಳುವರಿ, ಕಾಳಜಿ ಮತ್ತು ಪೋಷಣೆಯಾಗಿದೆ. ಪುಷ್ಯ ನಕ್ಷತ್ರದೊಂದಿಗೆ ಶುಭ, ಅದೃಷ್ಟ ಮತ್ತು ಐಶ್ವರ್ಯದಂತಹ ಗುಣಗಳು ಸಂಬಂಧಿಸಿವೆ. ಒಟ್ಟಾರೆಯಾಗಿ, ಯಾವುದೇ ಒಳ್ಳೆಯದನ್ನು ಮಾಡಲು ಇದು ತುಂಬಾ ಸಕಾರಾತ್ಮಕ ದಿನವಾಗಿದೆ. ಈ ದಿನದಂದು ಗ್ರಹಗಳ ಅನುಕೂಲಕರ ಸಂಯೋಗ, ಇದು ಎಲ್ಲರಿಗೂ ಶಾಂತಿ, ಸಂಪತ್ತು ಮತ್ತು ಸಮೃದ್ಧಿಯನ್ನು ತರುತ್ತದೆ.
ಪುಷ್ಯ ನಕ್ಷತ್ರದ ಕೆಲವು ಪ್ರಮುಖ ಪ್ರಯೋಜನಗಳು ಇಲ್ಲಿವೆ:
• ಈ ದಿನದಂದು ಪೂಜೆ ಅಥವಾ ಸಾಧನೆ ಯನ್ನು ಮಾಡುವುದರಿಂದ ಜೀವನದ ಯಾವುದೇ ಅಂಶದಲ್ಲಿ ಯಶಸ್ಸು ಸಿಗುತ್ತದೆ.
• ಕೆಲಸದ ಗುಣಮಟ್ಟ ಮತ್ತು ಪರಿಣಾಮಕಾರಿತ್ವವನ್ನು ಹೆಚ್ಚಿಸುತ್ತದೆ.
• ಉತ್ಪಾದಕತೆ ಮತ್ತು ಐಷಾರಾಮಿ ಹೆಚ್ಚಿಸುತ್ತದೆ.
* ಸಿದ್ಧ ಯಂತ್ರಗಳನ್ನು ಸ್ಥಾಪಿಸುವುದು ಶುಭ.
* ಜಾತಕದಲ್ಲಿ ಸೂರ್ಯನಿಂದ ಉಂಟಾಗುವ ದುಷ್ಪರಿಣಾಮಗಳನ್ನು ನಿವಾರಣೆ ಪಡೆಯಬಹುದು.
• ಸೂರ್ಯನಿಂದ ಅಧಿಕ ಶುಭ ಪ್ರಯೋಜನ ಪಡೆಯಲು, ಈ ದಿನ ಮಾಣಿಕ್ಯವನ್ನು ಧರಿಸುವುದು ಅತ್ಯಂತ ಮಂಗಳಕರ ಮತ್ತು ಅದೃಷ್ಟ ತರುತ್ತದೆ.
• ವೈವಾಹಿಕ ಅಡೆತಡೆಗಳನ್ನು ನಿವಾರಿಸುವುದು. • ಈ ದಿನದ ವಿಶೇಷ ಪೂಜೆಯೊಂದಿಗೆ ವಿವಾದಗಳು ನಿವಾರಣೆಯಾಗುತ್ತದೆ,
ಆರ್ಥಿಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
• ಈ ದಿನದಲ್ಲಿ ಚಿಕಿತ್ಸೆ ಪ್ರಾರಂಭವಾದರೆ ದೀರ್ಘಕಾಲದ ಕಾಯಿಲೆಗಳನ್ನು ಜಯಿಸುವುದು.
***
July 2021
No comments:
Post a Comment