ದಾಳಿಂಬೆ pomegranate

 

ದಾಳಿಂಬೆ

ದಾಳಿಂಬೆ ಒಂದು ಅದ್ಭುತ ಹಣ್ಣು. ಇದರಲ್ಲಿ ಹಲವಾರು ಆರೋಗ್ಯ ಲಾಭಗಳು ಇವೆ ಎಂದು ತಿಳಿದ ವಿಚಾರ. ನಿಮಗೆ ತಿಳಿಯದೆ ಇರುವ ಕೆಲವು ಲಾಭಗಳ ಬಗ್ಗೆ ಅರಿಯಿರಿ.

ಮುತ್ತುಗಳಂತಹ ಬೀಜಗಳನ್ನು ಹೊಂದಿರುವಂತಹ ದಾಳಿಂಬೆಯು ಸೃಷ್ಟಿಯ ಅದ್ಭುತವೆಂದೇ ಹೇಳಬಹುದು. ಇದು ಹಣ್ಣಿನ ರೂಪದಲ್ಲಿ ಇರುವಂತಹ ದೊಡ್ಡ ಔಷಧೀಯ ಖಜಾನೆ. ಯಾಕೆಂದರೆ ಇದರಲ್ಲಿ ಹಲವಾರು ರೀತಿಯ ಪೋಷಕಾಂಶಗಳು ಹಾಗೂ ವಿಟಮಿನ್ ಗಳಿದ್ದು, ದೇಹದ ಆರೋಗ್ಯಕ್ಕೆ ಇದು ತುಂಬಾ ಒಳ್ಳೆಯದು ಮತ್ತು ಹಲವಾರು ರೀತಿಯ ರೋಗಗಳನ್ನು ಇದು ತಡೆಯುತ್ತದೆ. ಬೇರೆಲ್ಲಾ ಹಣ್ಣುಗಳಂತೆ ದಾಳಿಂಬೆ ಹಣ್ಣು ಹೆಚ್ಚಾಗಿ ವರ್ಷಪೂರ್ತಿ ಸಿಗುವ ಕಾರಣ ಅದನ್ನು ನಮ್ಮ ಆಹಾರ ಕ್ರಮದಲ್ಲಿ ಬಳಸಿಕೊಳ್ಳಬಹುದು. ದಾಳಿಂಬೆ ಹಣ್ಣು ಹಾಗೂ ಜ್ಯೂಸ್ ನ್ನು ಬಳಸುವುದರಿಂದ ದೇಹವು ಹಲವಾರು ರೋಗಗಳನ್ನು ತಡೆಯುವುದು ಮಾತ್ರವಲ್ಲದೆ, ಇರುವಂತಹ ಕೆಲವೊಂದು ಸಮಸ್ಯೆಗಳನ್ನು ನಿವಾರಿಸುವುದು. ದಾಳಿಂಬೆ ಜ್ಯೂಸ್ ನ್ನು ಪ್ರತಿನಿತ್ಯವೂ ಕುಡಿದರೆ ಅದರಿಂದ ಸಿಗುವ ಲಾಭಗಳ ಬಗ್ಗೆ ನೀವು ತಿಳಿಯಿರಿ.

1.ನೆನಪಿನ ಶಕ್ತಿ ವೃದ್ಧಿಸುವುದು

ದಾಳಿಂಬೆಯಲ್ಲಿ ಇರುವಂತಹ ಪಾಲಿಪೆನಾಲ್ ಎನ್ನುವ ಅಂಶವು ನಮ್ಮ ನೆನಪಿನ ಶಕ್ತಿಯನ್ನು ವೃದ್ಧಿಸುವಲ್ಲಿ ಪ್ರಮುಖ ಪಾತ್ರ ವಹಿಸುವುದು. ದಾಳಿಂಬೆ ಹಣ್ಣನ್ನು ಹಾಗೆ ತಿಂದರೆ ಅದು ದೇಹದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದರ ಜ್ಯೂಸ್ ಮಾಡಿಕೊಂಡು ಕೂಡ ಕುಡಿಯಬಹುದು. ಇದರ ಜ್ಯೂಸ್ ನಲ್ಲಿ ಕೂಡ ಹಣ್ಣಿನಲ್ಲಿ ಸಿಗುವಂತಹ ಲಾಭಗಳು ಸಿಗುವುದು. ಇದನ್ನು ಪ್ರತಿನಿತ್ಯವೂ ಕುಡಿದರೆ ಅದ್ಭುತ ಲಾಭಗಳನ್ನು ಪಡೆಬಹುದು. ಇಂದಿನ ದಿನಗಳಲ್ಲಿ ನಿಮಗೆ ನೆನಪಿನ ಶಕ್ತಿಯು ಕಡಿಮೆ ಯಾಗುತ್ತಲಿದ್ದರೆ ಆಗ ನೀವು ಪ್ರತಿನಿತ್ಯವೂ ಬೆಳಗ್ಗೆ ಉಪಾಹಾರದ ಜತೆಗೆ ದಾಳಿಂಬೆ ಜ್ಯೂಸ್ ಸೇರಿಸಿಕೊಳ್ಳಿ. ಇದರಿಂದ ನೆನಪಿನ ಶಕ್ತಿಯು ಹೆಚ್ಚಾಗುತ್ತದೆ.

2.ರಕ್ತದೊತ್ತಡ ತಗ್ಗಿಸುವುದು ಮತ್ತು ಹೃದಯದ ಕಾಯಿಲೆ ವಿರುದ್ಧ ಹೋರಾಡುವುದು

ಇಂದಿನ ದಿನಗಳಲ್ಲಿ ಅತಿಯಾದ ಒತ್ತಡದ ಜೀವನದಿಂದಾಗಿ ಪ್ರತಿಯೊಬ್ಬರಲ್ಲೂ ಅಧಿಕ ರಕ್ತದೊತ್ತಡದ ಸಮಸ್ಯೆಯು ಕಂಡುಬರುತ್ತಲೇ ಇದೆ. ಆದರೆ ದಾಳಿಂಬೆ ಜ್ಯೂಸ್ ನ್ನು ಪ್ರತಿನಿತ್ಯವೂ ಕುಡಿದರೆ ಅದರಿಂದ ರಕ್ತದೊತ್ತಡ ಕಡಿಮೆ ಆಗುವುದು, 3.ಕೊಲೆಸ್ಟ್ರಾಲ್ ಸುಧಾರಿಸುವುದು ಮತ್ತು ರಕ್ತನಾಳಗಳಲ್ಲಿ ಇರುವಂತಹ ಪದರಗಳನ್ನು ಇದು ತೆಗೆದುಹಾಕುವುದು. ಇದೆಲ್ಲವೂ ಹೃದಯಕ್ಕೆ ತುಂಬಾ ಒಳ್ಳೆಯದು. ದಾಳಿಂಬೆಯು ತುಂಬಾ ರುಚಿಕರವಾಗಿ ಇರುವ ಕಾರಣದಿಂದಾಗಿ ಇದನ್ನು ಹೃದಯದ ಆರೋಗ್ಯದ ಆಹಾರ ಕ್ರಮದಲ್ಲಿ ಕೂಡ ಸೇರಿಸಿಕೊಳ್ಳಬಹುದು.

4.ತ್ವಚೆಗೆ ತೇವಾಂಶ ನೀಡುವುದು

ದಾಳಿಂಬೆಯು ಕೇವಲ ನಮ್ಮ ಒಳಗಿನ ಆರೋಗ್ಯ ಕಾಪಾಡುವುದು ಮಾತ್ರವಲ್ಲದೆ, ಚರ್ಮಕ್ಕೂ ಇದು ನೆರವಾಗುವುದು. ಚರ್ಮರೋಗ ತಜ್ಞರು ಹೇಳುವ ಪ್ರಕಾರ ಒಣ ಹಾಗೂ ನಿಸ್ತೇಜ ಚರ್ಮಕ್ಕೆ ಇದು ತುಂಬಾ ಒಳ್ಳೆಯದು. ವಿಟಮಿನ್ ಸಿ ಕೂಡ ಇದರಲ್ಲಿ ಇರುವ ಕಾರಣದಿಂದಾಗಿ ಮೈಮೇಲೆ ಇದನ್ನು ಹಚ್ಚಿಕೊಂಡರೆ ಅದು ಚರ್ಮವನ್ನು ಕಾಂತಿಯುತವಾಗಿಸುವುದು ಮತ್ತು ಹೊಳಪು ನೀಡುವುದು. ಚರ್ಮವು ಒಣ ಹಾಗೂ ನಿಸ್ತೇಜವಾಗಿದ್ದರೆ ಆಗ ನೀವು ಈ ದಾಳಿಂಬೆ ಸ್ಕ್ರಬ್ ನ್ನು ಬಳಸಿಕೊಳ್ಳಿ. ಇದಕ್ಕಾಗಿ ನೀವು ಮೂರು ಚಮಚ ದಾಳಿಂಬೆ ಬೀಜ, ಒಂದು ಕಪ್ ಬೇಯಿಸಿದ ಓಟ್ ಮೀಲ್, 2 ಚಮಚ ಎಕ್ಸ್ಟ್ರಾ ವರ್ಜಿನ್ ಆಲಿವ್ ತೈಲ ಮತ್ತು ಒಂದು ಚಮಚ ಜೇನುತುಪ್ಪ. ಇದನ್ನು ಫೇಸ್ ಪ್ಯಾಕ್ ಮಾಡಿಕೊಂಡು ಮುಖಕ್ಕೆ ಹಚ್ಚಿಕೊಂಡು ಹತ್ತು ನಿಮಿಷ ಕಾಲ ಹಾಗೆ ಬಿಡಿ. ಇದರ ಬಳಿಕ ಬಿಸಿ ನೀರಿನಿಂದ ತೊಳೆಯಿರಿ.

5.ಕ್ಯಾನ್ಸರ್ ತಡೆಯುವುದು ಹಾಗೂ ಹೋರಾಡುವುದು

ದಾಳಿಂಬೆ ಜ್ಯೂಸ್ ಕುಡಿದರೆ ಅದು ಹಲವಾರು ವಿಧದ ಕ್ಯಾನ್ಸರ್ ನ್ನು ತಡೆಯುವುದು ಮತ್ತು ವಿವಿಧ ಹಂತದಲ್ಲಿ ಇರುವಂತಹ ಕ್ಯಾನ್ಸರ್ ವಿರುದ್ಧ ಹೋರಾಡುವುದು. 

6.ಇದರಲ್ಲಿ ಇರುವಂತಹ ಉರಿಯೂತ ಶಮನಕಾರಿ ಗುಣ ಮತ್ತು ಪಾಲಿಫೆನಾಳ್ ಅಂಶವು ಡಿಎನ್ ಎ ಪರಿವರ್ತನೆ ಆಗುವುದರಿಂದ ರಕ್ಷಿಸುವುದು,

7. ಕ್ಯಾನ್ಸರ್ ಗಡ್ಡೆಗಳ ಬೆಳವಣಿಗೆ ತಡೆಯುವುದು ಮತ್ತು ಕ್ಯಾನ್ಸರ್ ಹರಡದಂತೆ ತಡೆಯುತ್ತದೆ. ಇದರ ಬಗ್ಗೆ ಇನ್ನಷ್ಟು ಅಧ್ಯಯನಗಳು ನಡೆಯಬೇಕಾಗಿದೆ. ಆದರೆ ದಾಳಿಂಬೆಯಿಂದ ಪ್ರಾಸ್ಟ್ರೇಟ್,ಸ್ತನ, ಕರುಳು ಮತ್ತು ಶ್ವಾಸಕೋಶದ ಕ್ಯಾನ್ಸರ್ ತಡೆಯಬಹುದು.

8.ಕೂದಲಿನ ಬೆಳವಣಿಗೆಗೆ ನೆರವಾಗುವುದು ದಾಳಿಂಬೆ ಹಣ್ಣಿನಲ್ಲಿ ಇರುವಂತಹ ಆಂಟಿಆಕ್ಸಿಡೆಂಟ್ ಅಂಶವು ಕೂದಲಿನ ಕಿರುಚೀಲಗಳನ್ನು ಬಲಪಡಿಸುವುದು ಮತ್ತು ರಕ್ತ ಸಂಚಾರವನ್ನು ಸುಧಾರಿಸುವುದು. ಇದರಿಂದ ಕೂದಲಿನ ಬೆಳವಣಿಗೆ ಸರಾಗವಾಗಿ ಆಗುವುದು. ಕೂದಲು ಆರೋಗ್ಯವಾಗಿ ಇರಬೇಕಾದರೆ ನೀವು ದಾಳಿಂಬೆ ಜ್ಯೂಸ್ ನ್ನು ಬೆಳಗ್ಗಿನ ಉಪಾಹಾರದಲ್ಲಿ ಸೇವಿಸಿ.

9.ಸಂಧಿವಾತದಿಂದ ಪರಿಹಾರ

ದೇಹದಲ್ಲಿ ಗಂಟು ನೋವಿನ ಸಮಸ್ಯೆಯು ಇಂದು ಹೆಚ್ಚಾಗಿ ಪ್ರತಿಯೊಬ್ಬರನ್ನು ಕಾಡುತ್ತಿರುತ್ತದೆ. ದಾಳಿಂಬೆ ಜ್ಯೂಸ್ ನಿಮ್ಮ ನೆರವಿಗೆ ಬರುವುದು. ಇದರಲ್ಲಿ ಉನ್ನತ ಮಟ್ಟದ ಉರಿಯೂತ ಶಮನಕಾರಿ ಗುಣಗಳು ಇವೆ. ಇದು ಗಂಟಿನ ಊತ, ನೋವು ಮತ್ತು ಮೆತ್ತಗಾಗುವುದನ್ನು ತಡೆಯುವುದು. ಕೆಲವೊಂದು ಅಧ್ಯಯನಗಳ ಪ್ರಕಾರ ದಾಳಿಂಬೆ ಸಾರವು ಸಂಧಿವಾತವನ್ನು ಹೆಚ್ಚಿಸುವಂತಹ ಕಿಣ್ವದ ಉತ್ಪತ್ತಿಯನ್ನು ತಡೆಯುತ್ತದೆ.

10.ಮೂಳೆಗಳ ಆರೋಗ್ಯಕ್ಕೆ

ಅಸ್ಥಿರಂಧ್ರತೆ ಸಮಸ್ಯೆ ಇರುವಂತಹ ಪ್ರಾಣಿಗಳ ಮೇಲೆ ದಾಳಿಂಬೆಯನ್ನು ಪ್ರಯೋಗ ಮಾಡಿದ ವೇಳೆ ಇದು ಮೂಳೆಗಳನ್ನು ಬಲಪಡಿಸುವುದು ಎನ್ನುವ ಅಂಶವು ಬಹಿರಂಗವಾಗಿದೆ. ಇದರಲ್ಲಿ ಇರುವಂತಹ ಶಕ್ತಿಶಾಲಿ ಆಂಟಿಆಕ್ಸಿಡೆಂಟ್ ಇದಕ್ಕೆ ಪ್ರಮುಖ ಕಾರಣವಾಗಿದೆ. 

11.ಇದು ಮೂಳೆಗಳನ್ನು ಬಲಪಡಿಸುವುದು ಮತ್ತು ದಾಳಿಂಬೆಯನ್ನು ಸಲಾಡ್ ರೂಪದಲ್ಲಿ ಅಥವಾ ಮೊಸರಿಗೆ ಹಾಕಿಕೊಂಡು ತಿಂದರೆ ಅದ್ಭುತ ವಾಗಿರುವುದು.

12.ಹೊಟ್ಟೆ ತುಂಬಿದಂತೆ ಮಾಡುವುದುನಾರಿನಾಂಶವು ಹೆಚ್ಚಾಗಿರುವ ಆಹಾರ ತಿಂದರೆ ಅದು ಜೀರ್ಣಕ್ರಿಯೆ ನಿಧಾನವಾಗಿಸುವುದು ಮತ್ತು ಹೊಟ್ಟೆ ತುಂಬಿದಂತೆ ಮಾಡುವುದು. 13.ದಾಳಿಂಬೆಯಂತಹ ನಾರಿನಾಂಶ ಅಧಿಕವಾಗಿ ಇರುವಂತಹ ಆಹಾರ ತಿಂದರೆ ಅದರಿಂದ ಆರೋಗ್ಯವು ಉತ್ತಮವಾಗಿರುವುದು. ¾ ಕಪ್ ದಾಳಿಂಬೆ ಬೀಜದಲ್ಲಿ 4 ಗ್ರಾಂ ನಾರಿನಾಂಶವಿದೆ.

14.ಮೊಡವೆ ವಿರುದ್ಧ ಹೋರಾಡುವುದು

ದಾಳಿಂಬೆ ಹಣ್ಣಿನಲ್ಲಿ ಇರುವಂತಹ ಆಂಟಿಆಕ್ಸಿಡೆಂಟ್ ಮೊಡವೆಗಳಿಗೆ ಕಾರಣವಾಗುವಂತಹ ಉರಿಯೂತ ಕಡಿಮೆ ಮಾಡುವುದು. ದಾಳಿಂಬೆಯು ಆಂಟಿಆಕ್ಸಿಡೆಂಟ್ ನಿಂದ ಸಮೃದ್ಧವಾಗಿದೆ ಮತ್ತು ಇದು ತ್ವಚೆಗೆ ತುಂಬಾ ಒಳ್ಳೇಯದು. ಇದನ್ನು ನೀವು ಕರಿದ ತಿಂಡಿ ತಿನ್ನುವ ಬದಲಿಗೆ ತಿನ್ನಬಹುದು. ಆಗ ದಾಳಿಂಬೆಯಲ್ಲಿ ಇರುವಂತಹ ಪೋಷಕಾಂಶಗಳು ದೇಹಕ್ಕೆ ಲಭ್ಯವಾಗುವುದು ಮತ್ತು ಜಂಕ್ ಫುಡ್ ನಿಂದ ಮೂಡುವ ಮೊಡವೆ ನಿವಾರಣೆ ಆಗುವುದು

(ಮಾಹಿತಿ ಸಂಗ್ರಹ)

***