ಆಯುರ್ವೇದ ವೈದ್ಯಶಾಸ್ತ್ರದ ಸಂಪತ್ತು ಅಳಲೆ ಕಾಯಿ
ಕನ್ನಡ ಭಾಷೆಯಲ್ಲಿ> ಅಳಲೆ ಕಾಯಿ , ಅಣಲೆ ಕಾಯಿ,
ಕರಕ ಕಾಯಿ , ಹರೀತಕಿ.
ಹಿಂದಿ ಭಾಷೆಯಲ್ಲಿ > ಹರಡ , हरड़
ಸಂಸ್ಕೃತ ಭಾಷೆಯಲ್ಲಿ> ಅಮೃತಾ,ಅಭಯಾ,ವಿಜಯಾ
Botanical name> Terminalia chebula
Family> Rangoon creeper family
Name>Black myrobalan.
ಅಳಲೆ ಕಾಯಿ ಆಯುರ್ವೇದ ದಲ್ಲಿ ಬಹಳ ಪ್ರಮುಖ ವಾದ ಸಸ್ಯವಾಗಿದೆ.ಇದನ್ನು ಉಪ ಯೋಗಿಸುವ ಕ್ರಮ ವನ್ನು ಚೆನ್ನಾಗಿ ತಿಳಿದವರನ್ನು "ಅಳಲೆ ಕಾಯಿ ಪಂಡಿತ " ಎಂದು ಕರೆಯುವರು. ಇದು ಹಸಿರು ಬಣ್ಣದಿಂದ ಕೂಡಿರುವುದರಿಂದ ಹರೀತಕಿ ಎಂದು ಹೆಸರು.
ಇದರಲ್ಲಿ "ಛೋಟಿ ಹರಡ" ಮತ್ತು " ಬಡಿ ಹರಡ" ಎಂಬ ಎರಡು ವಿಧಗಳು ಇದು ಒಂದೇ ಹಣ್ಣಿನ ಎರಡು ಹಂತಗಳು ಛೋಟಿ ಅಂದರೆ ಎಳೆಯ ಅಳಲೆ ಕಾಯಿ ಔಷಧಿಯಲ್ಲಿ ಬಳಸುತ್ತಾರೆ.ಬಲಿತ ಕಾಯಿಗಳನ್ನು ಚರ್ಮವನ್ನು ಹದ ಗೊಳಿಸಲು ಬಳಸುತ್ತಾರೆ.
ಒಗರು ಮಿಶ್ರಿತ ರುಚಿಯನ್ನು ಹೊಂದಿರುವ ಅಳಲೆ ಕಾಯಿ " ತ್ರಿ ಫಲಾ ಚೂರ್ಣ " ದಲ್ಲಿ ಪ್ರಮುಖ ಘಟಕವಾಗಿದೆ. ಅಳಲೆಕಾಯಿ ಸರ್ವ ರೋಗ ನಿವಾರಕ ವಾಗಿ ಕೆಲಸ ಮಾಡುತ್ತದೆ.
* ಅಳಲೆ ಕಾಯಿ ಅಗಿದು ತಿಂದರೆ ಜಠರಾಗ್ನಿಯನ್ನು ಉದ್ದೀಪನಗೊಳಿಸಿ ಹಸಿವನ್ನು ಹೆಚ್ಚಿಸುತ್ತದೆ.
*ತೇಯ್ದು ಉಪಯೋಗಿಸಿದರೆ ಮಲಬದ್ಧತೆ ನಿವಾರಿ ಸುತ್ತದೆ.
*ಬೆಲ್ಲದೊಂದಿಗೆ ಸೇವಿಸಿದರೆ ತ್ರಿ ದೋಷಗಳನಿವಾರಣೆ.
*ಒಣ ಶುಂಠಿಯೊಂದಿಗೆ ಸೇವಿಸಿದರೆ ಕಫ ನಿವಾರಣೆ.
*ತುಪ್ಪ ಬೆರೆಸಿ ಸೇವಿಸಿದರೆ ಪಿತ್ತ ನಿವಾರಣೆ.
*ಸೈಂಧವಲವಣ ಸೇರಿಸಿ ಸೇವಿಸಿದರೆ ವಾತ ನಿವಾರಣೆ
*ಅಳಲೆ ಕಾಯಿ ಬೇಯಿಸಿ ತಿಂದರೆ ಅತಿಸಾರ ನಿವಾರಣೆ ಆಗುತ್ತದೆ.
* ಅಳಲೆ ಕಾಯಿ ಚೂರ್ಣ ಒಣ ಶುಂಠಿ ಸೇರಿಸಿ ಕಷಾಯ ತಯಾರಿಸಿ ಆರಿದ ನಂತರ ಜೇನು ಬೆರೆಸಿ ಕುಡಿದರೆ ಕೆಮ್ಮು ಕಫ ನಿವಾರಣೆ ಆಗುತ್ತದೆ.
*ಕಾಲಿನ ಬೆರಳುಗಳ ನಡುವೆ ಸೆಲೆತರೆ ಅಳಲೆ ಕಾಯಿ ಚೂರ್ಣ ಅಥವಾ ತ್ರಿ ಫಲಾ ಚೂರ್ಣ ಹಚ್ಚಬಹುದು.
*ಅಳಲೆ ಕಾಯಿ ಚೂರ್ಣ , ನೆಗ್ಗಿಲು ಮುಳ್ಳಿನ ಚೂರ್ಣ ದ ಕಷಾಯ ತಯಾರಿಸಿ ಜೇನು ಬೆರೆಸಿ ಸೇವಿಸಿದರೆ ಮೂತ್ರಕೃಚ್ಛ ದಲ್ಲಿ ಉಪಯುಕ್ತ.
* ಅಳಲೆ ಕಾಯಿ ಚೂರ್ಣ ಅಥವಾ ತ್ರಿ ಫಲಾ ಚೂರ್ಣ ದಿಂದ ಹಲ್ಲು ಉಜ್ಜಿದರೆ ಹಲ್ಲು ವಸಡು ಗಳಿಗೆ ಉತ್ತಮ
ಹಾಗೂ ಬಾಯಿಯ ದುರ್ಗಂಧ ದೂರವಾಗುತ್ತದೆ.
ಇದಲ್ಲದೇ ಪಾರಂಪರಿಕ ಚಿಕಿತ್ಸಕರು ನುರಿತ ನಾಟಿ ವೈದ್ಯರು ಮೂಲವ್ಯಾಧಿ ,ಗಳಗಂಡ , ಕಾಮಾಲೆ , ಬಾವು ನೋವುಗಳಿಗೆ ,ಕ್ಷಯ ರೋಗದಲ್ಲಿ ಅಳಲೆ ಕಾಯಿ ಬಳಸಿ ಔಷಧೋಪಚಾರ ನೀಡುತ್ತಾರೆ.
ಸಂಗ್ರಹ ಮಾಹಿತಿ ಲೇಖನ> S.H.Nadaf
***
No comments:
Post a Comment